Almatyda máslıhat depýtattary aǵash otyrǵyzdy
ALMATY. QazAqparat - Almaty máslıhatynyń áıel depýtattary 8 naýryz qarsańynda aǵash otyrǵyzdy, dep habarlaıdy QazAqparat tilshisi.
Qalalyq isker áıelder keńesi músheleri, BAQ basshylary, máslıhat depýtattary Kókjıek shaǵyn aýdanynda japyraqty aǵash kóshetterin otyrǵyzdy.
«Osy bastamany qazaqstandyq áıelder qoldap ketkeni qýantady. Biz úshin qorshaǵan ortanyń, qalamyzdyń tazalyǵy mańyzdy. Bul úndeý dep qabyldańyzdar», - dedi máslıhat depýtaty, komıssııa tóraǵasy Altynaı Kóbeeva.
Onyń aıtýynsha, qalada eń kóp lastanatyn Alataý, Jetisý jáne Túrksib aýdandary.
Qalalyq máslıhattyń depýtattary arnaıy jumys tobyn quryp, jaqynda ekologııalyq aýdıt júrgizedi.
«Munyń aldynda qalalyq máslıhat Almaty qalasynyń 2025 jylǵa deıingi damý strategııasyn bekitken bolatyn. Qujattyń basty baǵyttarynyń biri qalanyń ekologııalyq ahýalyn jaqsartý bolyp otyr. Ol úshin eskirgen tehnologııalardy qoldanatyn óndiristi azaıtyp, jasyl ekonomıka sharttaryn qoldanatyn óndiristi kóbeıtý qolǵa alynady», - dedi máslıhat depýtaty.
