Almatyda máskeýlik dáriger kardıohırýrgterge sheberlik sabaǵyn ótkizdi

ALMATY. QazAqparat - Kardıologııa jáne ishki aýrýlar ǵylymı-zertteý ınstıtýtynda I.Sechenov atyndaǵy Máskeý memlekettik medıtsına ýnıversıtetiniń №1 ýnıversıtettik klınıkalyq aýrýhanasynyń jetekshi arıtmology Alekseı Tsyganov sheberlik sabaǵyn ótkizdi, dep habarlaıdy QazAqparat tilshisi.

Sheberlik klasty ótkizýdiń maqsaty - ınterventsııalyq arıtmologııanyń zamanaýı tehnologııalaryn qoldanýda mamandardyń daǵdylaryn arttyrý, onyń ishinde júrek yrǵaǵynyń qaqpaqshalyq buzylystary bar patsıentterde júrekishilik elektrofızıologııalyq zertteýler men kateterli ablatsııany qoldaný, jasandy qaqpaqshaǵa almastyrýdy úıretý.

Jas mamandardyń qatysýymen ótken sheberlik klass barysynda júrek yrǵaǵynyń kúrdeli buzylystary bar túrli jastaǵy patsıentterge operatsııa jasaldy. Olardy júrek jumysyndaǵy úzilister, entigý, álsizdik, bas aınalý, tez sharshaý sekildi belgiler mazalaǵan.

«Arıtmologııa, bilim men klınıkalyq praktıkanyń salasy retinde jyldam jańaryp otyrady, sonymen qatar ol kardıologııanyń eń kúrdeli bólimderiniń biri. Jaqsy maman bolý úshin únemi oqý qajet. Sondyqtan, jetekshi medıtsınalyq ortalyqtarmen yntymaqtastyq sheńberinde biz únemi sheberlik klastar, semınarlar ótkizip turamyz. Mundaǵy maqsatymyz mamandarymyzdyń áriptesterimen aralasýǵa, biliktiligin arttyrýyna, jańa bilim alýyna, jańa jabdyqtarda jumys isteýine múmkindik jasaý», - dep atap Kardıologııa jáne ishki aýrýlar ǵylymı-zertteý ınstıtýtynyń Basqarma tóraǵasy Roza Qýanyshbekova.

Onyń aıtýynsha, operatsııalar sátti ótti. Klınıkada sońǵy jyldary 3 myńnan astam osyndaı operatsııa jasalǵandy.