Almatyda maska taqpaǵan adamdarǵa aıyppul salynady
ALMATY. QazAqparat – Almatyda maskalyq rejımdi saqtamaǵan tulǵalarǵa aıyppul salynýy múmkin. Almatyda ótken onlaın brıfıng barysynda bul týraly qala ákiminiń birinshi orynbasary Erlan Qojaǵapanov aıtty, dep habarlaıdy QazAqparat tilshisi.
«Qalada tolyǵymen maskalyq rejım jarııalanǵan. Ázirshe halyqqa túsindirý jumystary júrip jatyr. Maskalyq rejımniń mańyzdylyǵy joǵary. Sebebi, bul ınfektsııanyń odan ári órshýine kedergi keltiredi. Ásirese avtobýstar men halyq kóp shoǵyrlanǵan jerlerde talap etiledi», - dedi Erlan Qojaǵapanov.
Qala ákiminiń birinshi orynbasary maska kımegen tulǵalarǵa qatysty qandaı shara qabyldanatynyn aıtty.
«Qazir ákimdik ókilderi men polıtsııa qyzmetkerleri tıisti ınstrýktsııa aldy. Epımedıologııalyq ahýal ýshyǵatyn bolsa, maska kımegen azamattarǵa aıyppul salatyn bolamyz. Bul jerde QR ÁqbK qoldanatyn bolamyz», - dedi E.Qojaǵapanov.
Atap aıtqanda, jabyq bólmede jáne dalada maskasyz júrgen adamdarǵa qatysty mynadaı ákimshilik jaza qarastyrylǵan.
QR ÁqbK 462-babynyń 3-bólimimen memlekettik baqylaý jáne qadaǵalaý organdary shyǵarǵan qaýlyny oryndamaǵan jeke tulǵalar - 5 AEK, ıaǵnı 13890 tg, laýazymdy tulǵalar - 15 AEK, ıaǵnı 41670 tg aıyppul tóleıdi.
Al shaǵyn bıznes ókili – 100 AEK, orta bıznes ókili – 200 AEK, iri bıznes ókili 500 AEK kóleminde aıyppul tóleıdi.
Maskasyz adamdardy ǵımaratqa kirgizgen nysan ıeleri 15 AEK, ıaǵnı 41 670 tg aıyppul tóleıdi.
