Almatyda maska taqpaǵan 200 jýyq adam jaýapkershilikke tartyldy
ALMATY. QazAqparat – Almaty qalasynyń Almaly aýdany ákiminiń orynbasary Erden Haırýllın onlaın brıfıng barysynda monıtorıng toptarynyń jumysy týraly aıtyp berdi, dep habarlaıdy QazAqparat tilshisi.
Onyń aıtýynsha, aýdandaǵy saýda nysandaryndaǵy sanıtarlyq talaptardy tekserý boıynsha qurylǵan tórt monıtorıng top kúsheıtilgen rejımde jumys istep jatyr.
«Qazan aıynyń 8-i men qarashanyń 9-y aralyǵynda Almaly aýdanynda 675 nysan tekserilgen. Nátıjesinde 189 jeke tulǵa №425 bappen jaýapqa tartyldy. Taǵy 45 nysanǵa ákimshilik aıyppul salyndy. Búgingi tańda 8 nysan 2,5 mln teńge tóledi», - deıdi ol.
Sonymen qatar , 6 qarashadan 7-shi qarashaǵa qaraǵan túni 4 aýdannyń (Naýryzbaı, Alataý, Túrksib, Almaly) 13 monıtorıng toby túngi ýaqytta óz qyzmetin júzege asyratyn 58 nysanǵa tekserý júrgizdi.
10 nysanda buzýshylyqtar anyqtaldy, materıaldar QR ÁQBtK-niń 425-babyna sáıkes odan ári jaýapkershilikke tartý úshin Almaly aýdandyq sanıtarlyq-epıdemıologııalyq baqylaý basqarmasyna jiberildi.
1. «Red Dragon» dámhanasy, (Gogol k. 87);
2. «Arena» kompıýterlik klýby (Gogol k. 58);
3. «Bıngo» loto klýby (Masanshy k. 61);
4. «Aýra» kompıýterlik klýby (Qashqar k. 69);
5. «Bıngo» loto klýby (Seıfýllın k. 519);
6. «Loto Club» (Abaı d. 143);
7. «Pırat» dámhanasy-jumys rejımin buzý (Tóle bı k. 207a);
8. «Blek» kafe-bary (Nazarbaev d. 57);
9. «Grand-opera» qonaq úıi (Qabanbaı batyr, 136/1);
10. «Aragosta» dámhanasy (Jambyl k. 129).
«Almaty jáne aýdanymyzdyń turǵyndaryna maska kıip, qoǵamdyq kólikte áleýmettik qashyqtyqty saqtap, adamdar jappaı jınalatyn oryndarǵa barmaýǵa keńes berer edim. Úlken kisilerge óz úılerińizden shyqpańyzdar, kóshede júrýdi shekteý qajet degim keledi», — dedi E. Haırýllın.
