Almatyda maska satatyn dárihanalarǵa beınebaqylaý kameralary ornatylatyn bolady
ALMATY. QazAqparat - Almatyda maska baǵanyń negizsiz kóterilýi anyqtalǵan jaǵdaıda tıisti sharalar qabyldanady.
Bul týraly Básekelestikti qorǵaý komıtetiniń Almaty qalasy boıynsha departamenti basshysynyń orynbasary Arlan Qalýetov onlaın brıfıng barysynda málimdedi, dep habarlaıdy QazAqparat tilshisi.
Brıfıng barysynda azyq-túlik pen dárihanalardaǵy maska baǵasyna baqylaýdyń kúsheıtilgeni de aıtyldy. Qarapaıym maskanyń baǵasy 87 teńge dep bekitilse, kómir fıltrli maska 111 teńgemen satylýda.
«Ol úshin Almatyda 48 dárihana belgilenip, barlyǵyna beınebaqylaý ornatyldy. Beınebaqylaýdaǵy jazba bir aıǵa deıin saqtalatyn bolady. Baǵanyń negizsiz kóterilýi anyqtalǵan jaǵdaıda tıisti sharalar qabyldanady», - dedi Básekelestikti qorǵaý komıtetiniń Almaty qalasy boıynsha departamenti basshysynyń orynbasary Arlan Qalýetov.
Onyń aıtýynsha, megapolıste monopolııaǵa qarsy zańnamany buzý faktilerin anyqtaý boıynsha jumystar júrgizilip jatyr.
Aıta ketý kerek, búginde qalada fıtnes, spa-salondar, sulýlyq salondary men qoǵamdyq monshalar jumysyn tolyq toqtatty.
«Bizdiń departament áleýmettik mańyzy bar azyq-túlik ónimderiniń baǵasyn turaqtandyrý boıynsha keshendi sharalardy qolǵa aldy. Betperdeniń baǵasyn negizsiz kóterý faktileri boıynsha departament tarapynan naryq sýbektilerine qatysty tergeý jumystaryn júrgizýde. Bul boıynsha bizge kelip túsken shaǵymdar kóp», – dedi ol.
