Almatyda maska rejımin buzǵany úshin 3 myńǵa jýyq adamǵa aıyppul salyndy
ALMATY. QazAqparat – Almatyda maska rejımin buzǵany úshin 3 myńǵa jýyq adamǵa aıyppul salyndy. Bul týraly qala ákimi Baqytjan Saǵyntaev Akimat LIVE baǵdarlamasynyń tikeleı efırinde aıtty, dep habarlaıdy QazAqparat tilshisi.
«Monıtorıntik toptar aǵymdaǵy jyldyń 5 shildesinen bastap, 7550 nysandy tekserdi, olardyń ishinde 2952 obektiniń karantın jáne maska rejımin buzǵany anyqtaldy. Reıd barysynda mamandar 4496 sýbektide túsindirý jumystaryn júrgizdi, 696 nysan jumystaryn óz erikterimen toqtatty. Ákimshilik quqyqbuzýshylyq negizinde 3150 hattama toltyryldy, onyń ishinde zańdy tulǵalarǵa - 126, jeke tulǵalarǵa 3003 aıyppul salyndy. Maska rejımin buzǵandary úshin 2952 adam 30 AEK kóleminde aıyppul tóleıtin boldy.
Qalalyqtar rejım talaptaryn buzǵandar týraly infokazakhstan.kz portaly arqyly habarlaı alady. Kez-kelgen ǵımarat ishinde tıisti talaptardyń buzylǵandyǵyn sýretke túsirýge jáne jiberýge bolady. Osy arqyly kásipker monıtorıntik top kelgenshe kemshilikterdi túzeı alady. Bul da belgilengen normalardyń saqtalýyn yntalandyrýǵa yqpal etetin bolady.
