Almatyda mashına júksalǵyshynda jolaýshy tasymaldaǵandar jaýapqa tartyldy
ALMATY. QazAqparat - Jeńil kólik júksalǵyshynda bara jatqan er adamnyń vıdeosy polıtsııa tekserdi, dep habarlaıdy «QazAqparat» HAA tilshisi.
Polıtsııa qyzmetkerleriniń aıtýynsha, vıdeo rastaldy, er adam shynymen de mashınanyń júksalǵyshynda jatqan.
«Tekserý barysynda quqyqbuzýshy anyqtaldy. Jolaýshy tasymaldaý erejelerin buzǵany úshin ol Ákimshilik quqyq buzýshylyq týraly kodekstiń 593-baby, 1-bóligine sáıkes ákimshilik jaýapqa tartyldy. «Sýbarý» júrgizýshisi aıybyn birden moıyndady. Jol qozǵalysy erejelerin buzý faktisi Sıfýllın jáne Mámetova kósheleri qıylysyna jaqyn mańda bolǵan», - deıdi Almaty qalasy ІІD jergilikti polıtsııa qyzmeti izdestirý bóliminiń bastyǵy Erik Nasyrbekov.
Aıta ketelik, ótken jyly Almaty polıtsııasy basshylyǵynyń blogyna jol qozǵalysy qaýipsizdigin qamtamasyz etýge qatysty 200-deı ótinish kelip túsken.
