Almatyda mas júrgizýshiniń kesirinen taǵy bir jol apaty boldy
ALMATY. QazAqparat - Almatyda mas kúıinde kólikke mingen Mersedes júrgizýshisi jol apatyna sebep boldy, dep habarlaıdy QazAqparat tilshisi.
Jol oqıǵasy Raıymbek-Ohrımenko kósheleriniń qıylysynda bolǵan. Raıymbek dańǵylymen shyǵysqa baǵyt alǵan Mersedes júrgizýshisi rólge ıe bola almaı qalyp, qarama-qarsy baǵytqa shyǵyp ketken.
Sonyń kesirinen qarsy bette kele jatqan Toyota kóligine soqtyǵysty.
Jol apatynan Mersedes júrgizýshisi birneshe jerinen jaraqat aldy. Ony jedel járdem aýrýhanaǵa alyp ketti.
Keıin belgili bolǵandaı, ol mas kúıinshe kólik róline otyrǵan.
Aıta keteıik, búgin túnde Almatyda taǵy bir mas júrgizýshiniń kesirinen jeńil jáne júk kólikteri soqtyǵysqan bolatyn.
