Almatyda mas júrgizýshiniń kesirinen bes kólik soqtyǵysty
ALMATY. QazAqparat - Almatyda mas júgizýshi jappaı jol apatyna sebepshi boldy, dep habarlaıdy QazAqparat tilshisi.
Áleýmettik jelide Almaty kósheleriniń birinde bolǵan jol apatynyń vıdeosy paıda boldy. https://www.instagram.com/tv/CbpxuL6AQk3/?utm_source=ig_web_copy_link
Almaty qalalyq polıtsııa departamentiniń málimetine sáıkes, jol apaty 28 naýryzda boldy.
«Toyota Highlander kóliginiń júrgizýshisi mas kúıinde batys baǵytta Saın kóshesinde kele jatyp, araqashyqtyqty saqtamaı Toyota Corolla kóligimen soqtyǵysqan. Keıin Toyota Highlander avtokóligi Skoda markaly avtokólikke soǵyldy. Al Toyota Corolla avtokóligi ınertsııa boıynsha Kia Rio kóligin qaǵyp ketti. Jol-kólik oqıǵasy saldarynan jolaýshy jaraqat aldy», - dedi Almaty qalasy PD anyqtaý basqarmasynyń bastyǵy Oljas Sháripov.
Mas júrgizýshi Bostandyq aýdandyq polıtsııasyna jetkizildi.
