Almatyda mas júrgizýshiniń kesirinen 4 kólik soqtyǵysty
ALMATY. Qazaqparat - Almatyda 4 kólik soqtyǵysty, dep habarlaıdy Qazaqparat tilshisi.
Jol apaty Tólebı men Rozybakıev kóshesi qıylysynda bolǵan.
Kýágerlerdiń aıtýynsha, Mercedes Tólebı kóshesimen shyǵysqa baǵyttalyp bara jatyp, kólik tizgininen aırylyp qaldy. Sonyń saldarynan Mercedes joldaǵy Audi kóligin soǵyp ketip, Toyota Highlander-di qaǵyp toqtaǵan.
Toyota Highlander joldyń qarama-qarsy baǵytyna shyǵyp ketip Chevrolet kóligin qaqty. Jol apatynan Mercedes júrgizýshisi men Toyota Highlander-degi eki adam zardap shekti.
Keıin belgili bolǵandaı, Mersedes júrgizýshisi mas kúıinde kólik júrgizgen.
