Almatyda mas júrgizýshi tórt adamdy qaǵyp ketti
ALMATY. QazAqparat – Almatynyń qaq ortasynda jol talǵamaıtyn kólik jaıaý júrginshilerdi qaǵyp ketti, dep habarlaıdy QazAqparat tilshisi.
Jol kólik oqıǵasynyń vıdeosy áleýmettik jelide paıda boldy. Apat ortalyq meshit mańynda oryn alǵan. Saldarynan bes adam jaraqat aldy: júrgizýshiniń ózi jáne tórt jaıaý júrginshi. Olardyń ekeýi oblystyq aýrýhanaǵa jetkizildi, ekeýi medıtsınalyq kómekten bas tartty. Bir áıel qalalyq aýrýhana jatqyzyldy.
«Bir áıel №4 qalalyq klınıkalyq aýrýhanaǵa tústi. Dárigerler teksergen kezde naýqastyń jaǵdaıy aýyr boldy. Aldyn ala dıagnoz qoıyldy: jambas jaraqaty, beliniń kógerýi, oń aıaǵy men oń qolynyń jaraqaty. Birinshi dárejeli shok , - dep habarlady qalalyq densaýlyq saqtaý basqarmasy.
