Almatyda mas júrgizýshi polıtsııa qyzmetkerin qaǵyp ketti
ALMATY. QazAqpart - Almatyda mas júrgizýshi polıtsııa qyzmetkerin qaǵyp ketti, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, túnde «Býran-227» patrýldik ekıpajy Qabanbaı batyr kóshesinde qarama-qarsy baǵyttaǵy jolaqta kele jatqan «Hyundai» avtokóligin toqtatty.
«Polıtsııa qyzmetkerleriniń talaptaryna mán bermegen kólik júrgizýshisi qasha jónelgen. Birden radıostantsııa arqyly patrýldik jasaqtarǵa kórsetilgen kólikke baǵdar berildi jáne onyń qozǵalysynyń koordınattary dereý taratyldy. Talǵar qalasynyń baǵytyndaǵy ekologııalyq postta qyzmet etip turǵan polıtsııa aǵa leıtenanty Meıirjan Bısembaev quqyq buzýshyny toqtatýǵa tyrysty, ol toqtamastan, ınspektordy tolyq jyldamdyqpen qaǵyp ketti»,- deıdi Almaty qalalyq PD Jergilikti polıtsııa qyzmeti basqarmasynyń bastyǵy Manap Sattarov.
Túrli dene jaraqatyn alǵan polıtsııa qyzmetkeri aýrýhanaǵa jetkizildi.
«Hyundai» júrgizýshisi ustaldy. Quqyq buzýshy – 1962 jyly týǵan Ý.esimdi azamat. Onyń kólikti mas kúıinde basqarǵany anyqtaldy. Bul fakt QR QK-niń 346-baby boıynsha sotqa deıingi tergeýdiń biryńǵaı tizilimine tirkeldi»,- dedi polıtsııa ókili.
