Almatyda mas júrgizýshi aıaldamada turǵan áıeldi qaǵyp ketti
ALMATY. QazAqparat – Almatyda mas kúıinde kólik tizgindegen júrgizýshi aıaldamada turǵan 61 jastaǵy áıeldi qaǵyp ketti, dep habarlaıdy QazAqparat tilshisi.
Polıtsııa departamentiniń habarlaýynsha, oqys oqıǵa tańǵy 7-de Almaly aýdanynda bolǵan.
«Ford Tranzıt» avtokóliginiń júrgizýshisi mas kúıinde Maqataev kóshesimen kele jatqanda Chaıkovskıı kóshesine jetpeı avtobýs aıaldamasyn soqqan. Aıaldamada turǵan 61 jastaǵy áıel aýyr jaraqat aldy.
Sonyń artynan shette turǵan «Toıota Kamrı» kóligin soǵyp baryp aýdarylyp qalǵan.
Áıel adam shuǵyl aýrýhanaǵa jetkizildi. Basqa japa shekkender joq.
«Bul derek boıynsha QR QK 345-babynyń 2-bólimimen qylmystyq is qozǵaldy. Tıisti saraptamalar taǵaıyndaldy. Júrgizýshi ýaqytsha oqshaýlaý ornyna qamaldy», - dedi PD baspasóz qyzmetinen.
Áleýmettik jelilerden alynǵan foto
