Almatyda mas jolaýshy ushaqtan túsirildi
ALMATY. QazAqparat - Kólik polıtsııasy Iordanııa azamatyn Almaty-Sharja reısinen shyǵardy, dep habarlaıdy QazAqparat kóliktik polıtsııa departamentiniń baspasóz qyzmetine silteme jasap.
«Almaty áýejaıyndaǵy polıtsııanyń jelilik bólimine «Eır Arabııa» áýekompanııasynyń ókilinen Almaty-Shardja reısinen quqyq buzýshy anyqtalǵany týraly habarlama tústi.Tekserý kezinde kólik polıtsııasy 30 jastaǵy Iordanııa azamatyn anyqtady. Ol ushaqtan túsirildi», - dep habarlady departamenttiń baspasóz qyzmeti.
Medıtsınalyq tekserýdiń qorytyndysyna sáıkes, jolaýshy mas bolǵan.
«Jolaýshyǵa qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 440-baby 1-bóligine sáıkes, ákimshilik hattama toltyryldy. Oǵan 5 AEK kóleminde aıyppul salyndy.
Aıta keteıik, jyl basynan beri elimizdiń kólik polıtsııasy 27 760 azamatty ákimshilik jaýapqa tartty, onyń ishinde 2847 adam ishimdik iship, qoǵamdyq oryndarda mas kúıinde bolǵan.
