Almatyda mas kúıinde kólik aıdaǵan 461 júrgizýshi ustaldy
Almaty qalalyq Polıtsııa departamentiniń málimetinshe, úsh aı ishinde qatardaǵy bólimsheleriniń qyzmetkerleri mas kúıinde avtokólikti basqarǵan 460-tan astam júrgizýshini ustady. Jol erejelerin buzýshylarǵa keminde 15 táýlikke qamaýǵa alý jáne jeti jyl kólik quralyn basqarý quqyǵynan aıyrý túrinde ákimshilik sharalar qoldanyldy.
«Quqyq buzýshylyqtyń osy túrine qatysty jazanyń qatańdatylǵandyǵyna qaramastan, alkogoldik jáne esirtkilik masań kúıde kólik júrgizetin júrgizýshiler áli de bar. Kóp jaǵdaıda toptasqan adamdar ishimdikti iship alady da, keıinnen úılerine kólikterine otyryp barady. Óziniń qylmystyq áreketimen ol «A» núktesinen «B» núktesine qaýipsiz jetýge úmittenedi. Biraq, tájirıbe kórsetkendeı mas júrgizýshilerdiń kinásinen apattar oryn alady. Mas júrgizýshilerdi toqtatyp, olardy anyqtaǵanda, dári-dármekterdi ishtik nemese birneshe metr ǵana júrdik dep sendirip, aldaýǵa tyrysady, al keıbireýleri tura maǵynasynda jaýapkershilikten qashyp ketkisi keledi»,- dep túsindirdi Almaty qalalyq PD ákimshilik polıtsııa basqarmasynyń bastyǵy Jandos Muratalıev.
Sonymen qatar, ol mas adam rólde otyrsa – qylmysker ekenin atap ótti.