Almatyda mas kúıinde ekskavatormen jumys istegen júrgizýshi ustaldy
ALMATY. QazAqparat - Almatyda mas kúıinde jumys istegen ekskavator júrgizýshisi ustaldy, dep habarlaıdy QazAqparat tilshisi.
Almaty polıtsııasy 51 jastaǵy azamatty ındýstrıaldy aımaqta ustady. Onyń is-áreketi birden kúdik týdyrǵan.
«Onyń qatty qobaljyǵany bilindi, alkogoldiń ıisi shyǵyp turdy. Bizdiń kúdigimizdi sot-narkologııalyq saraptama rastady. Ustalǵan azamat ishimdik ishken. Júrgizýshi aýyr qurylys tehnıkasyn basqarýdan shettetildi»,- deıdi Alataý aýdandyq ákimshilik polıtsııa basqarmasynyń basshysy Báýken Baıymbetov.
Ustalǵan azamatqa qatysty ákimshilik hattama toltyryldy.
Jınalǵan materıaldar sheshim qabyldaý úshin Almaty qalasynyń mamandandyrylǵan aýdanaralyq ákimshilik sotyna jiberildi.
