Almatyda mas kúıinde birneshe ret kólik tizgindegen júrgizýshi qamaýǵa alyndy
ALMATY. QazAqparat – Almatyda mas kúıinde birneshe ret kólik aıdap jol erejesin buzǵan adam ustaldy, dep habarlaıdy QazAqparat tilshisi.
Qalalyq PD baspasóz qyzmetiniń habarlaýynsha, júrgizýshi keshe túnde Qarasaı batyr men Volhoskaıa kósheleriniń qıylysynda ustaldy.
39 jastaǵy er adam mas bolyp shyqty.
Medıtsınalyq kýálandyrý nátıjesinde júrgizýshi orta dárejede 1,51 promılle kóleminde alkogol qabyldaǵany anyqtaldy.
QR QK 128-babyna sáıkes ol ýaqytsha oqshaýlaý ornyna qamaldy.
Byltyr naýryzda bul júrgizýshi mas kúıinde kólik tizgindegen kezinde ustalǵan. Sot sheshimimen 3 jyl kólik júrgizý quqyǵynan aırylǵan bolatyn.
«Bul oǵan sabaq bolmaǵan. Quqyqbuzýshylyqqa 1 jyl ótpesten taǵy mas kúıinde kólik júrgizgen. Bul derek QR QK 346-babynyń 1-bólimimen sotqa deıingi tergeý isi reestrine tirkeldi», - dedi qalalyq PD basshysynyń birinshi orynbasary Nurlan Almasbekov.
