Almatyda mas er adam taksı júrgizýshisine pyshaq saldy
ALMATY. QazAqparat – Almatyda mas er adam taksı júrgizýshisine eki ret pyshaq saldy, dep habarlaıdy QazAqparat tilshisi.
Oqıǵa 12 qańtarda bolǵan. Zardap shekken taksıst - 33 jastaǵy azamat Shuǵyla yqshamaýdanyndaǵy turǵyn úı keshenderiniń birine eki balasy bar otbasyn apara jatqan. Jolaýshylar kólikten túse bastaǵanda júrgizýshi balalardyń biri salonǵa qusqanyn baıqap, ony jýý úshin qosymsha aqy suraǵan.
«Osydan keıin júrgizýshi men jolaýshy arasynda janjal shyǵady. Mas er adam áıeli men balalaryn úıge kirgizip, aqsha alyp shyǵatynyn aıtqan. Kepilge ol uıaly telefonyn qaldyryp ketken. 5-7 mınýttan soń álgi azamat qaıta oralyp, taksı júrgizýshisine pyshaqpen eki ret soqqy jasaǵan. Sol qolynyń shyntaǵy men ishine suǵyp alǵan», - dep habralaıdy Almaty qalalyq PD baspasóz qyzmeti.
Dál sol kúni osy derekke qatysty Naýryzbaı aýdandyq polıtsııa basqarmasy sotqa deıingi tergeý sharalaryn bastady.
Atalǵan fakti boıynsha 31 jastaǵy kúdikti ustaldy.
