Almatyda mas er adam kezdeısoq jolaýshyny pyshaqtap tastady
ALMATY. 12 qazan. QazAqparat - Almatyda mas er adam kezdeısoq jolaýshyny pyshaqtap tastady, dep habarlady qalanyń ishki ister departamentiniń baspasóz qyzmeti.
Tún ortasynda Tóle bı men Saın kósheleriniń buryshynda úsh jas jigit joldyń ótetin bóliginde turǵan er adamdy kóredi. Jigitter oǵan jaqyndap kelip, jol jıegine shyǵyp turýdy usynady.
Er adam mas bolǵan. Ol qaltasynan pyshaq shyǵaryp, jastardyń biriniń júregine úsh ret suǵyp alady. 25 jastaǵy jigit oqıǵa ornynda kóz jumdy.
Aşy sýǵa sylqııa toıyp alǵan qylmyskerdi «Boran-070» patrýldik ekıpajy ustady. Qanisher 24 jastaǵy «Aqbulaq» shaǵyn aýdanynyń jumyssyz turǵyny bolyp shyqty.
Kúdiktiniń mas bolýy onyń jazasyn aýyrlatatyny atalyp ótýde.
