Almatyda mas adam bireýdiń kóligin aıdap ketip órtep jibergen
ALMATY. QazAqparat – Almatyda er adam bireýdiń kóligin aıdap ketip órtep jibergen, dep habarlaıdy QazAqparat tilshisi. Qalalyq PD baspasóz qyzmetiniń habarlaýynsha, qylmys Túrksib aýdanynda bolǵan.
«Kólik ıesi dúkenge kirip ketkende, 26 jastaǵy mas adam sony paıdalanyp kólikti aıdap ketken. Biraz ýaqyttan soń kólik sol mańaıdan tabyldy. Ury ony órtep jibergen. Órt qoımas buryn kóliktiń qozǵaltqyshyn, akkýmýlıatoryn, basqa da bólshekterin sheship alǵan. Kúdikti kóp uzamaı ustaldy. Oǵan qatysty qazir Qylmystyq kodekstiń 188-baby boıynsha qylmystyq is qozǵaldy», - dedi Túrksib aýdandyq PB bólim basshysy Erlan Aıanbaev.
Al, urlanǵan avtobólshekter ıesine qaıtaryldy.
«Kólik eski bolǵandyqtan, joǵalǵanyna asa ýaıymdamadym. Osylaı tez tabylatynyna da senbedim. Polıtsııa uryny tapqany jaqsy boldy. Sebebi, erteń ol basqalarǵa jamandyq jasamaıtyn bolady», – dedi kólik ıesi.
PB aıtýynsha, jyl basynan beri kólik urlaý qylmysy 2,1 esege azaıǵan.
