Almatyda mas adam aýrýhanada janjal shyǵardy

Onyń vıdeosy áleýmettik jelide tarady.
Beınejazbadan mas er kisiniń eki polıtsııa qyzmetkerine boı bermeı, aýrýhana kúzetshisimen eregesip, balaǵattaǵanyn jáne aýrýhananyń kireberisindegi oryndyqtardyń jerde qulap jatqanyn, esiktiń synǵanyn kórýge bolady.
Qalalyq jedel járdem aýrýhanasynyń málimetinshe, 1997 jyly týǵan mas patsıent ambýlatorııalyq emdelýge Medeý aýdandyq polıtsııa basqarmasynan jetkizildi. Oǵan oń jaq bileginiń ashyq jarasy dıagnozy qoıylǵan.
«Jarany tańyp bolǵanan keıin ol shý shyǵardy. Dárigerlerge dóreki sóılep, aýrýhananyń qabyldaý bóliminde turǵan zattardy laqtyrdy. Esikti syndyrdy, ol jóndeýge kelmeıdi. Aýrýhanaǵa materıaldyq shyǵyn keltirdi. Aýrýhanaǵa jedel áreket etý toby shaqyryldy, ony ustap polıtsııaǵa tapsyrdy», - dep habarlady aýrýhanadan.
Qalalyq polıtsııa departamenti Almaly aýdanynyń polıtsııa basqarmasy bul azamatty usaq buzaqylyq úshin jaýapqa tartqanyn habarlady.