Almatyda MART saýda ortalyǵyndaǵy adamdar shuǵyl evakýatsııalandy

ALMATY. QazAqparat – Almatydaǵy MART saýda ortalyǵyndaǵylar evakýatsııalandy, dep habarlaıdy QazAqparat tilshisi.

Áleýmettik jelide adamdardy evakýatsııalaý týraly aqparat paıda boldy. Vıdeoda «Mart» saýda oıyn-saýyq ortalyǵyna jarylǵysh zat qoıylǵany týraly aıtylady.

Polıtsııa departamentiniń baspasóz qyzmeti atalǵan saýda ortalyǵynda jarylǵysh zat týraly habarlama túskenin rastady.

«Qalanyń tótenshe jaǵdaılar qyzmeti, eń aldymen, ishindegi adamdar úshin qaýipsizdik sharalaryn qabyldady. Ortalyq qyzmetkerlerinen 40-qa jýyq adam evakýatsııalandy, bul ýaqytta ishte kelýshi bolǵan joq, ol áli ashylmaǵan edi. Saperler tekserýge kiristi», - dep habarlady polıtsııadan.