Almatyda Marat Barmanqulov oqýlary aıasynda halyqaralyq dóńgelek ústel ótpek
ALMATY. 23 aqpan. QazAqparat /Ádilet Musahaev/ - Aǵymdaǵy jyldyń 25 aqpanynda ál-Farabı atyndaǵy QazUÝ-dyń jýrnalıstıka fakýltetinde belgili ǵalym, pedagog,
jazýshy, jýrnalıst, Qazaqstandaǵy televızııa jáne radıojýrnalıstıka negizin salýshy Marat Barmanqulov oqýlary aıasynda halyqaralyq dóńgelek ústel ótedi.
Dástúrli «Barmanqulov oqýlary» aıasynda «Aqparattyq qoǵam jaǵdaıyndaǵy elektrondy BAQ: ulttyq jáne jaHandyq máseleleri, taıaý bolashaǵy» atty dóńgelek ústeldi televızııalyq jáne radıojýrnalıstıka kafedrasy men M.Barmanqulov atyndaǵy QazUÝ teleradıo kesheni birlesip ótkizbek.
Dóńgelek ústel barysynda "Aqparattyq qoǵam jaǵdaıynda elektrondy BAQ-tyń damýy", "Aqparattyq qoǵamdaǵy jańa BAQ-tyń damýy", "Qazaqstandaǵy telekommýnıkatsııalyq ındsýtrııanyń damýy: mobıldik telefonııa, Internet-paıdalaný, kommýnıkatsııalyq jeliler jáne qyzmetter" syndy taqyryptarda baıandamalar oqylyp, talqylanbaq.
Atalmysh basqosýǵa buqaralyq kommýnıkatsııa salasyn zertteýshi ǵalymdar, qazaqstandyq elektrondy BAQ ókilderi, buqaralyq kommýnıkatsııa salasynyń tanymal zertteýshileri qatysady. Dóńgelek ústel jumysy barysynda Oklahoma ýnıversıtetiniń ǵalymdarymen (AQSh) onlaın-suhbat ótedi dep kútilýde.
Marat Káribaıuly Barmanqulov Qazaqstandaǵy alǵashqy telejýrnalısterdiń biri, televızııalyq jáne radıojýrnalıstıka teorııasynyń, sondaı-aq televızııa jáne radıojýrnalıstıka kafedrasynyń, QazUÝ-daǵy televızııalyq jáne radıostýdııanyń negizin qalaýshy. Qurmetti professor respýblıkalyq basylymdarda jáne elektrondyq BAQ-tyń ár salasynda qyzmet isteıtin jýrnalısterdiń qurmetti ustazy.
Ǵalym-ustaz qazaqstandyq jýrnalıster arasynda alǵash ret Internet áleminiń mańyzyn, BAQ-tyń bolashaǵy ǵalamdyq keńistikte ekenin atap ketken. Sonymen qatar ol birneshe tarıhı kitaptardyń jáne jýrnalıstıkanyń teorııasy men tájirıbesine arnalǵan oqý quraldarynyń avtory. Ǵalymnyń «Han Ivan», «Hrýstalnye mechty tıýrkov o kvadronatsıı» jáne basqa da ǵylymı-pýblıtsıstıkalyq, tarıhı-tanymdyq basylymdaryn búginingi jas urpaq ta, zııaly qaýym da asa qyzyǵyp oqıdy. Jalpy ol 17-ge jýyq kitap jazǵan.
