Almatyda Marat Aıtjanov pen Rázııa Ábdınanyń alǵashqy birlesken kórmesi ashyldy
ALMATY. 18 tamyz. QazAqparat - Almatyda qala turǵyndary men qonaqtary «ARTFOGLIO» galereıasynan Marat Aıtjanov pen Rázııa Ábdınanyń «Ataraktsııa» dep atalatyn alǵashqy birlesken kórmesin tamashalaýda.
Oǵan sýretshi M.Aıtjanovtyń 20009-2012 jyldary salynǵan 25 týyndysy qoıylǵan. Olar - qylqalam sheberiniń eń súıikti natıýrmort, portret, peızaj janrlaryndaǵy shyǵarmalary. Kórmege onyń jary sándik-qoldanbaly óner sheberi Rázııa Ábdınanyń keramıkalyq mınıatıýralary jáne qol ustasqan qýyrshaqtary men ańdardyń beıneleri somdalǵan shyǵarmalary qoıylyp otyr.
M.Aıtjanov 1978 jyly qazirgi Abaı atyndaǵy Qazaq ulttyq pedagogıkalyq ýnıversıtetiniń kórkem-syzba fakýltetin bitirgen bolatyn. Odan keıin Sháken Aımanov atyndaǵy «Qazaqfılm» kınostýdııasynda sýretshi-dekorator retinde oıyndyq jáne mýltıplıkatsııalyq fılmderde jumys jasady. Sýretshi-órnekshi retinde ol sondaı-aq, qaladaǵy barlyq toptyq kórmelerge qatysyp kele jatyr.
