Almatyda marafonǵa baılanysty birneshe kóshe jabylady
ALMATY. QazAqparat – 13 qazan kúni Almatyda jartylaı marafonnyń ótýine baılanysty birneshe kóshede kólik qozǵalysy shekteledi, dep habarlaıdy QazAqparat tilshisi.
Jartylaı marafon Tuńǵysh Prezıdent saıabaǵynan bastaý alady. Mustafın kóshesinen bastap Navoı kóshesine deıin ál-Farabı dańǵylynyń boıy túngi 00:00-den 12:30-ǵa deıin jabylady. Ál-Farabı dańǵylynyń ońtústik bóligi (Mustafın kóshesinen Navoı kóshesine deıin) 07:20-dan 08:00-ge deıin ǵana jabyq turady.
Ál-Farabı dańǵylyndaǵy qozǵalys: Mustafın – Shashkın kósheleri 07:00-den 11:30-ǵa deıin jabyq bolady. Kólikterge ál-Farabı dańǵylynyń ońtústik jaǵymen júrýge ruqsat.
Seıfýllın dańǵylynda ál-Farabı dańǵylynan Abaı dańǵylyna deıin saǵat 07:30-dan 10:00-ge deıin qozǵalys tolyǵymen shekteledi.
Abaı dańǵyly Saıyn kóshesinen Seıfýllın dańǵylyna deıin saǵat 07:20- 12:00 aralyǵynda jabylady. Soltústik beti avtokólikterge ashyq bolady.
Saıyn kóshesi ál-Farabı dańǵylynan Abaı dańǵylyna deıin saǵat 07:00- 11:00 – jabyq. Batys beti ashyq bolady.
Bul málimetter jarysqa qatysýshylardyń qozǵalys ýaqytynyń bólinýin eskere otyryp engizildi.
Tuńǵysh Prezıdent saıabaǵyna jetýge usynylatyn baǵyt:
Mustafına kóshesiniń ońtústik jaǵymen ál-Farabı dańǵylyna deıin,
Navoıdan ońtústikke qaraı ál-Farabı dańǵylyna deıin,
Sadyqova kóshesiniń soltústigimen ál-Farabı dańǵylyna deıin,
Dýlatı kóshesiniń soltústik jaǵymen ál-Farabı dańǵylyna deıin.
Uıymdastyrýshylar kóshede kólik qozǵalysy qıyn bolǵandyqtan, qatysýshylarǵa Tuńǵysh Prezıdent saıabaǵyna deıin avtobýspen jetýge keńes beredi.
Esterińzige salaıyq, 13 qazan kúni (jeksenbi) Almaty jartylaı marafony ótedi. Áýesqoı júgirýshiler úshin eki qashyqtyq usynylǵan – 21,1 jáne 10 km. Jalpy 5 myńǵa jýyq sportshy startqa qatysýdy josparlap otyr.
