Almatyda «Máńgilik halyq jadynda» dep atalatyn ǵylymı-tájirıbelik konferentsııa ótti
ALMATY. 23 tarıh. QazAqparat - 1929-1932 jyldary búkil respýblıka boıynsha 80 myń adam qatysqan 380 kóterilis boldy.
Bul búgin Almatyda ótken «Máńgilik halyq jadynda» dep atalatyn ǵylymı-tájirıbelik konferentsııada aıtyldy. Ony Almaty qalasy ákimdigi, Sh.Ýálıhanov atyndaǵy Tarıh jáne etnologııa ınstıtýty, «Ádilet» qoǵamy jáne Respýblıkalyq saıası qýǵyn-súrgin qurbandary qaýymdastyǵy birlesip uıymdastyrǵan bolatyn. Shara HH ǵasyrdaǵy qazaq tarıhyndaǵy eń qasiretti kezeń 1932-1933 jyldardaǵy asharshylyqqa 80 jyl jáne 1937-1938 jyldardaǵy Stalındik saıası qýǵyn-súrginniń 75 jyldyǵyna arnalyp otyr.
Ǵalymdardyń aıtýynsha, keńestik totalıtarlyq júıe kesirinen qoldan jasalǵan jappaı asharshylyq saldarynan qazaq halqynyń edáýir bóligi - 1mln. 750 myń adam qyryldy. Sonymen birge saıası qýrǵyn-súrginge ushyraǵan 125 myń adamnyń 25 myńy atyldy. 1929-1932 jyldary bolǵan kóterilistiń bári ásker kúshimen basylyp otyrdy. Ashtyqtan qyrylýdan qashqan 1 mln. 130 myń qazaq shetel asyp ketti.
