Almatyda mamyr aıynda Saıran kóliniń aınalasyn abattandyrý jumystary bastalady
ALMATY. QazAqparat – Almatyda Saıran kóliniń túbin tazalaý jumystary aıaqtalǵan soń, aınalasyn abattandyrý jumystary bastalady, dep habarlaıdy QazAqparat tilshisi.
Almaty ákimi Erbolat Dosaev Áýezov aýdanynyń turǵyndarymen kezdesý kezinde aqpan aıynan bastap Saıran kóliniń túbin tunba shógindilerinen mehanıkalyq tazartý jumystary júrip jatqanyn aıtty. Josparǵa sáıkes, jumystar mamyr aıynyń sońyna deıin bitýi tıis.
«Kóldiń túbin tazalanyp bolǵan soń, onyń aýmaǵyna rekonstýrktsııalaý men abattandyrý jumystaryn bastaǵaly otyrmyz. Memlekettik saraptamadan qujattamasy osy aıda shyǵady dep kútilýde. Qurylys jumystaryn tamyz aıynda bastaýdy josparlap otyrmyz. Ol jumystar 2024 jyldyń úshinshi toqsanynda aıaqtalatyn bolady», - dedi Erbolat Dosaev.
Eske salsaq, Almatyda aqpan aıynda Saıran kóliniń túbin tazartý jumystary bastalǵan bolatyn.
