Almatyda mamandar TJ kezinde balalardy qalaı qutqarý kerektigin aıtty
Mamandar osy baǵyttaǵy memleketaralyq baılanysty jetildirý máselesin talqylady.
Tótenshe jaǵdaılar ortalyǵy basshysynyń orynbasary Jarǵalbek Ýkashevtiń aıtýynsha, tabıǵı apat kezinde eń kóp zardap shegetin tulǵalar - áıelder men balalar, qarttar eken. Kóbinese balalarǵa erekshe qaýip qater tónedi. Jasyratyny joq, negizi olardyń basym bóligi qaýip-qaterge nazar aýdarmaıdy, apat kezinde durys is-qımyl jasaı almaıdy.
Trenıng qatysýshylary eki kún boıy kólemdi túrdegi TJ kezindegi habar taratý jáne Ortalyq Azııa elderi aýmaǵyndaǵy balalarǵa tónetin qaýipti aldyn alý úshin memleketaralyq standarttar men normalarǵa sáıkes bilimin jetildiretin bolady.
«Ár memlekette aımaqtyq deńgeıde sharalar ótkizip turýǵa tyrysamyz. Sol jerde mamandar qaýip-qaterdiń tómendeýi jáne balalar qajettiligi jaıly óz tájirıbelerimen bólisedi. Ortalyq ókilderi balalarmen jumys tásilderin damytýda. Tótenshe jaǵdaılardyń aldyn alý maqsatynda Ortalyq Azııa elderindegi balalarynyń qatysýymen «Jas qutqarýshy» klýby balalar arasynda aımaqtyq deńgeıde ıÝNISEF- pen birige otyryp jarys oıyndary uıymdastyryldy»,- dedi J.Ýkashev.
Bul trenıngke Ortalyq Azııa memleketteriniń Tótenshe jaǵdaılar salasynyń ýákiletti ókilderi, BUU ókilderi, Qazaqstannyń halyqaralyq Qyzyl krest jáne Qyzyl jarty aı uıymy mamandary qatysady.
Bul ortalyq eki jyl buryn ǵana ashylǵan. Osy ýaqyttyń ishinde 40-tan asa halyqaralyq trenıng, semınar, oqý-jattyǵý jáne arnaıy kezdesý ótkizip úlgerdi. Barlyq kezdesýlerde BUU qurylymy quramyndaǵy halyqaralyq uıymdar qatysyp keledi.
