Almatyda mamandandyrylǵan HQO-nyń 5 qyzmetkeri jumystan shyǵaryldy
ALMATY. QazAqparat - «Azamattarǵa arnalǵan úkimet» memlekettik korporatsııasynyń Almaty qalalyq fılıalynda sońǵy 9 aıda 227 ákimshilik hattama toltyrylǵan, dep habarlaıdy QazAqparat tilshisi.
Memlekettik korporatsııa quqyq buzýshylyqtardyń aldyn-alý úshin qyzmetkerler arasynda jıi tekseris jumystaryn júrgizedi. Nátıjesinde búgin Almaty qalasyndaǵy mamandandyrylǵan HQO-da ishki ister organdarynyń qyzmetkerleri zańsyz aqshalaı qarajat aldy degen kúdikpen front-ofıstiń eki ınspektoryn ustady.
Sondaı-aq, bıyl on aı ishinde memlekettik qyzmet kórsetý standarttaryn buzý boıynsha 29 derek anyqtaldy. 36 jumysshy tártiptik jazaǵa tartylyp, 5 jumysshy jumystan shyǵaryldy.
«Kólikterdi tirkeý merzimin qysqartý jáne qyzmetti alý barysynda adamı faktor bolmas úshin elektrondyq úkimet portalynda júrgizýshi kýáligin aýystyrý jáne avtokólikti tirkeý qyzmetterin onlaın tártipte alý múmkindigi engizildi», - delingen Azamattarǵa arnalǵan úkimet» memlekettik korporatsııasy Almaty qalalyq fılıalynyń baspasóz qyzmeti taratqan habarlamada.
