Almatyda mamandandyrylǵan HQKOda «deldaldar» ustaldy

ALMATY. QazAqparat – Almatyda mamandandyrylǵan HQKO-da deldaldar qolǵa tústi, dep habarlaıdy QazAqparat tilshisi.

Bul oqıǵanyń vıdeosy áleýmettik jelide taraldy.

Qalalyq PD baspasóz qyzmetinen habarlaǵandaı, 28 jastaǵy «Azamattarǵa arnalǵan úkimet» KEAQ ınspektory men onyń 18 jastaǵy kómekshisi kólikti esepke qoıyp shyǵarý protsesin tezdetýi úshin 32 myń teńge alǵan.

«Olardy krımınaldy polıtsııa qyzmetkerleri birneshe ret ustaǵan. Alaıda, tájirıbe kórsetkendeı, mundaı kómekshilerniń sany azaıar emes. Sony azaıtý maqsatynda HQKO ishinde arnaıy vıdeo translıatsııa júrgiziledi, jadynama taratylady»,- dedi PD ókili Berik Ábilbekov.

Ustalǵandar QR QK 247-babynyń 1-tarmaǵymen qylmystyq jaýapkershilikke tartyldy. Tergeý amaldary júrip jatyr.