Almatyda maldy tek belgilengen jerde satý kerek

ALMATY. QazAqparat - Almaty polıtseıleri ruqsat etilmegen jerlerde mal satýǵa tyıym salynatynyn eskertedi, dep habarlaıdy QazAqparat tilshisi.

Aýyl sharýashylyǵy jáne veterınarııa basqarmasy Almaty qalasy boıynsha Qurban aıt meıramy kezinde qurbandyq malyn satý úshin úsh núkte belgilengenin habarlady. Olar:

1.     «Ic-commerse» JShS-nyń maldy soıý pýnkti. Mekenjaıy: Jetisý aýdany, Polejaev kóshesi, 93 A úı.

2.     «Taýsamaly» bazary. Mekenjaıy: Naýryzbaı aýdany, «Taýsamaly» shaǵyn aýdany, Qonaev kóshesi, 2 úı.

3.     «DI» kesheniniń mańyndaǵy alań. Mekenjaıy: Naýryzbaı aýdany, Jandosova kóshesi, 2 úı.

Almaty qalalyq ІІD Jergilikti polıtseı qyzmeti basshysynyń orynbasary Tórehan Isın maldy belgilenbegen jerlerde satý saýda jasaýdyń ruqsat etilmegen túrine jatatynyn aıtty. Mundaı áreket jasaǵan azamattar QR ákimshilik zańnamasyna sáıkes jaýapkershilikke tartylýy múmkin.