Almatyda «Mahabbat. Jeltoqsan. Fotosýretter» kórmesi ótýde
ALMATY. 2 jeltoqsan. QazAqparat - «Men bul kórmeni sózben aıtyp jetkize alar emespin, óıtkeni ol mahabbat týraly. Bul týraly aqyndar jazady, al men fotografpyn, oǵan qarap, sýretke túsirýge tyrysamyn», - dedi Almatydaǵy «Mahabbat. Jeltoqsan. Fotosýretter» kórmesiniń ashylýy kezinde qazaqstandyq fotograf Alekseı Romanov.
«Bul meniń sezimge degen kózqarasym, meniń «Mahabbat degen ne?» suraǵyna jaýap berýge tyrysqanym. Árbir fotosýrette eki adamnyń súıispenshiligi beınelengen. Maǵan bir bólmede osyndaı 50 fotosýretti ilgende ne shyǵatynyna qaraý qyzyq», - dep qosty A.Romanov.
Kórme qarym-qatynastar men olardyń adam ómirindegi róline arnalǵan. Eki jyl boıy Alekseı ǵashyqtardy sýretke túsirip júrdi, kórmede bul toptamanyń 50 portreti usynyldy. Kórme 8 jeltoqsanǵa deıin ótedi.
A.Romanovtyń túsirilimderine Vera Brejneva, Egor Konchalovskıı, «Býmboks» toby, Dilnaz Ahmadıeva, Medeý Arynbaev, Qydyráli Bolmanov, Nurlan Abdýllın, Baýyrjan Isaev, Qaırat Túntekov jáne taǵy basqa kóptegen ártister senimderin bildirdi. Sońǵy jyldary Alekseı otbasylyq portrettik fotogsýretterdi túsirýmen aınalysyp keledi.
