Almatyda «Magným» saýda kesheniniń aýmaǵynda er adam qarýdan jaraqattandy

Bul týraly Almaty qalalyq ІІD baspasóz qyzmetinen habarlady.

Oqıǵa ornyna jetken Jetisý ІІB qyzmetkerleri eýropalyq násildi er adamnyń oq atqanyn anyqtady.

Japa shegýshiniń aıtýynsha, saýda keshenine kireberiste ol dostarymen birge úsh jigitpen baıqaýsyzda soqtyǵysyp qalǵan. Keıin «Magnýmnan» shyqqan kezde atalmysh álgi úsheýi olardy qýyp jetip, biri oq borata bastaǵan. Japa shegýshi bul jigitterdi buǵan deıin kórmegen.

Almatylyq kópsalaly aýrýhananyń anyqtamasy boıynsha er adam ishinen jaraqattanǵan.

Oqıǵa ornyn tintý barysynda gılza jáne araqtyń bos shólmegi tabyldy. Buǵan qosa «Magným» SK beıne baqylaý kamerasy da alyndy.

QR QK 257 babynyń 3 b. (Qarýdy qoldana otyryp qaraqshylyq jasaý) boıynsha qylmystyq is qozǵaldy.