Almatyda magıstratýraǵa túsýge emtıhandar bastaldy
QR Sybaılas jemqorlyqqa qarsy is-qımyl agenttigi men Bilim jáne ǵylym mınıstrligi birlesip, testileýge jurtshylyqtyń qatysýyn qamtamasyz etti.
Teste joǵary upaı jınaǵandar grantqa ıe bolady. Sondaı-aq, JOO-ny ózderi tańdaıdy. ıAǵnı grant magıstrdiń tańdaǵan jerine baǵyttalady. Bul, granttardyń ashyqtyǵy men aıqyndyǵyn qamtamasyz etedi. Sonymen qatar,ýnıversıtetterdiń básekege qabilettiligin arttyrýǵa septigin tıgizedi.
Almaty qalasynda keshendi testileý 10-16 tamyz aralyǵynda, alty ýnıversıtette ótedi.
Testiń ádil ótýin qamtamasyz etý úshin baqylaýshy retinde arnaıy monıtorıng tobynyń músheleri,«Almaty - Adaldyq alańy» jobalyq keńsesiniń jáne qoǵamdyq birlestikterdiń ókilderi tartyldy.
Qoǵamnyń atsalysýy uıymdastyrýshylar men ótinish berýshiler tarapynan bolatyn quqyqbuzýshylyq faktilerdi azaıtady. Stýdentterge tyıym salynǵan zattardy (smartfondar, shpargalkalar) paıdalaný múmkindigin shekteıdi. Emtıhandy basqa adamnyń tapsyrýyna, emtıhan suraqtaryn syrtqa alyp shyǵýǵa jol berilmeıdi.
Abaı atyndaǵy QazUPÝ-ge testileýge kelgen stýdentter aldynda Almaty qalalyq sybaılas jemqorlyqqa qarsy qyzmettiń basshysy Qaırat Súntaev sóz sóıledi.
«Jastar eńbektenip, adal jolmen, zańdy buzbastan óz Otanyn súıýi kerek. Sizdiń bilimińiz - sizdiń eńbegińizdiń nátıjesi. Kóp eńbektenseńiz, bilimińizdi jetildirýge umtylsańyz, soǵurlym bilim kókjıegińiz keńeıedi. Sizderdiń bilimderińiz memlekettiń ekonomıkalyq resýrsy bolyp sanalady. Bilim halyqtyń ósý faktory retinde qarastyrylady», - dedi ol.
Mundaı jumys tehnıkalyq jáne kásiptik bilim berý uıymdarynda da júrgiziletin bolady.
