Almatyda mádenıet jáne óner qyzmetkerlerine Prezıdent stıpendııasy tabys etildi
ALMATY. QazAqparat - Memleket basshysynyń kómegimen otandyq mádenıet damýda. Men ózge elderdegi áriptesterimmen aralasamyn, sondyqtan Qazaqstanda mádenıetke kóp kóńil bólinetinin aıta alamyn.
Bul týraly búgin Almatyda ótken mádenıet jáne óner qyzmetkerlerine Prezıdent stıpendııasyn, sondaı-aq ótken jylǵa salalyq memlekettik stıpendııasyn tabystaý rásiminde Mádenıet jáne aqparat mınıstri Muhtar Qul-Muhammed aıtty.
Stıpendııa ıegerlerine arnap Elbasy quttyqtaý sóz joldady. Ony QR Prezıdenti Ákimshiligi basshysynyń orynbasary Baǵlan Maılybaev oqydy.
«Qazaqstan halqyna arnalǵan bul jolǵy Joldaýda mádenıet salasyn damytýǵa basa nazar aýdaryldy. Qazaqstandyq mádenıet damýynyń kópjyldyq Tujyrymdamasyn daıyndaýdy tapsyramyn», - dep jazylǵan el Prezıdentiniń quttyqtaý sózinde.
Otandyq mádenıetti órkendetýge zor úles qosqan 100 qyzmetker syıaqyǵa ıe boldy. Olardyń arasynda Bıbigúl Tólegenova, Asanáli Áshimov, ıÝrıı Pomerantsev, Anatolıı Molodov sııaqty óner maıtalmandary, sonymen birge jas daryndar - Berik Aıtjanov, Mádına Baspaeva, Taıyr Ǵataýov jáne Álııa Dosbatyrova bar.
