Almatyda mádenıet salasyndaǵy shyǵarmashylyq jobalar baıqaýy ótedi
ALMATY. 4 jeltoqsan. QazAqparat - Almaty qalalyq mádenıet basqarmasy 2013 jyly júzege asyrý úshin 18 qańtarǵa deıin mádenıet jáne óner salasyndaǵy shyǵarmashylyq jobalar baıqaýyna ótinishter qabyldaıdy.
Basqarma qyzmetkeri Galına Koretskaıanyń aıtýynsha, baıqaýdyń maqsaty - Almaty qalasynyń mádenı ómirine barlyq azamattardy tartýǵa yqpal etetin mádenı jáne shyǵarmashylyq bastamalardy qoldaý. Sondaı-aq balalar shyǵarmashylyǵyn damytý, zamanaýı qazaqstandyq ónerdi qala turǵyndaryna nasıhattaý jáne mekemeler, memlekettik mádenı uıymdar, jáne jeke, táýelsiz shyǵarmashylyq uıymdar arasynda seriktestik qatynas qurý.
«Baıqaý baǵyttary tizimine: balalar men jasóspirimder úshin bilim berý; mýzeı isin damytý; ádebıet jáne kitaphana isin damytý; teatr, mýzyka, bı; beıneleý, dızaın, dekoratıvti-qoldanbaly óneri; kınematografııa jáne joǵaryda atalǵan baǵyttardyń birnesheýin qamtıtyn jobalar enip otyr. Oǵan 20-30 mıllıon teńge qarjy qarastyryldy. Degenmen bul joǵary shek emes ekenin eskerte ketken artyq bolmas», - deıdi G.Koretskaıa.
