Almatyda «Mádenı mura» baǵdarlamasynyń tıimdiligi jáne «Qyz Jibek» jyrynyń 500 jyldyǵy» atty ǵylymı-tájirıbelik konferentsııa ótti

dep habarlaıdy QazAqparat.

  Atalmysh shara M.Áýezov atyndaǵy ádebıet jáne óner ınstıtýty men «Jeruıyq» qoǵamdyq birlestiginiń uıymdastyrýymen ótkizildi.

 Ǵylymı-tájirıbelik konferentsııada halqymyzdyń baı mádenı murasynyń biri - «Qyz Jibek» jyryn búgingi elimizdiń rýhanı aınalymyna qosý barysyndaǵy is-sharalar boıynsha jasalǵan jumystardyń qorytyndysy jasaldy. Konferentsııa jumysyna qatysýshy sarapshy-mamandar, ǵalymdar men ónertanýshylar «Qyz Jibek» jyrynyń varıanttary men tekstologııasyna, mýzykasy men opera qoıylymdaryna baǵa berip, baıandamalar jasady.  Sonymen qatar,  otyrysta «Mádenı mura» baǵdarlamasynyń mańyzdylyǵy men tıimdiligi, sondaı-aq olqy tustary saraptaldy.

  "Qyz Jibek" jyrynyń 500 jyldyǵy bıyl elimizdiń ár jerlerinde atalyp ótti. Ártúrli sharalar atqarylyp jatyr. Osy sharanyń atalýy Memlekettik «Mádenı mura» baǵdarlamasynyń tıimdi júzege asyp jatqandyǵynyń kórinisi dep aıtýǵa bolady», dedi  ıÝNESKO-ǵa "Qyz Jibek" jyrynyń shyqqan ýaqyty 1508 jyl dep dáleldep, 2007 jylǵy qarashada ıÝNESKO-nyń kezekti sessııasynda "Qyz Jibek" jyryn 2008 jyldyń merekelik kún tizbesine engizip, onyń 500 jyldyǵyn ataý týraly sheshim qabyldatýǵa atsalysqan UǴA akademıgi, fılologııa ǵylymdarynyń doktory, professor Seıit Qasqabasov.

  Jıyn barysynda «Jeruıyq» qoǵamdyq birlestigi memlekettik «Mádenı mura» jáne «Almaty qalasynyń mádenı murasy» aımaqtyq baǵdarlamalarynyń tıimdi júzege asýy barysyn zertteý» jobasy boıynsha   atalǵan baǵdarlamany jetildirý baǵytynda júrgizilgen áleýmettik zertteýdi  usynyp, qorytyndy jasady.

 «Zertteýdiń maqsaty - eki baǵdarlamanyń júzege asýy barysyn zertteý, kemshin tustaryn aıqyndaý, odan ári damytý joldaryna arnalǵan usynymdar ázirleý, jetildirý joldary týraly aqparattardy suryptaý. Áleýmettik zertteý barysynda saýalnamaǵa jaýap bergenderdiń 85 paıyzy «Mádenı mura» jáne «Almaty qalasynyń mádenı murasy» aımaqtyq baǵdarlamasy boıynsha júrgizilip jatqan jumystarǵa kóńilderi tolatyndyqtaryn aıtqan. 90 paıyzy «Mádenı mura» baǵdarlamasy týraly tolyqqandy habardar ekendigin, 80 paıyzy «Almaty qalasynyń mádenı murasy» aımaqtyq baǵdarlamasy týraly naqty jasalyp jatqan jumystar jaıynda estimegendikterin alǵa tartqan. Olar jetkilikti nasıhattaý qajet ári áli de jetildirý túsý kerek dep sanaıdy», dedi «Jeruıyq» qoǵamdyq birlestiginiń basshysy Bolatbek Tólepbergen.