Almatyda «Mádenı Azıada» baǵdarlamasy aıasynda «Toleranttylyq - birge ómir súrý óneri» atty fotoóner baıqaýy ótedi

Kórmege 50 avtordyń belgili saıasatkerler men mádenıet, óner jáne sport qaıratkerleri qatysqan sporttyq jarystardan resmı sharalarǵa deıin qamtıtyn túrli janrdaǵy 100 jumysy qoıylatyn bolady. Sonymen qatar, óner súıer qaýym fotopeızajdar men portretterdi de tamashalaı alatyn bolady.

Baıqaýdyń kórkem jáne shyǵarmashylyq qoǵamdastyq ókilderinen quralǵan qazylar alqasy shara barysynda jumystardy iriktep, «Kásipqoı», «Jasóspirim jáne áýesqoı» sanattary boıynsha baıqaý jeńimpazdaryn anyqtaıdy. Eń myqty degen týyndylardyń avtorlary arnaıy dıplomdarmen marapattalatyn bolady.

Atalmysh sharanyń uıymdastyrýshylary - Almaty qalasy Ákimdiginiń Qysqy Azıada oıyndary-2011 dırektsııasy men Kórkemsýret kórmeleri men aýktsıondar dırektsııasy.

Ortalyq kórme zalynyń dırektory Ásel Ómirshınanyń aıtýynsha, kórmeniń ataýy jaıdan-jaı qoıylmaǵan. «Keıingi jyldardyń tájirıbesi kóz aldymyzda bıligin júrgizip turǵan tarıhtyń ózi bizdiń aldymyzda turǵan problemalardy jalǵyzdan-jalǵyz eshkimniń sheshe almaıtynyn kórsetip berdi. Qazir jer betinde myńdaǵan halyq, júzdegen memleket, 5 mıllıardtan astam adam ómir súredi. Osynshama ár túrli adamdy birtutas bir adamı tirshilikke birigip turǵan ne nárse? Bárinen buryn, ol - álemniń tutastyǵy negizinde paıda bolatyn birtutas mádenıet, ol - adamdar men halyqtardyń ózara sabaqtastyǵy men ózara táýeldiligi. Bizdiń Prezıdentimiz dál osy álemniń tutastyǵy men aımaqtarda jáne álemde senim atmosferasyn saqtap qalǵysy keledi. Qol jetken mádenı ıntegratsııaǵa, sóz joq, qazaq halqynyń kópǵasyrlyq tolerantty men ınnovatsııa úshin ashyq mádenıeti ózek bolyp otyr. Onyń negizinde bárinen buryn basqa etnosqa degen shynaıy dostyq nıet pen tereń qurmet jatyr. Búgin qazaqstandyq toleranttylyq - taǵdyrdyń jazýymen Otany bolǵan Qazaqstandaǵy júzdegen halyqtardyń mádenıetiniń, olardyń dástúrleri men qundylyqtary erekshelikteriniń quımasy», - dedi ol.

Onyń aıtýynsha, bizdiń qazirgi álemimiz rýhanı baılyqqa zárý. «Olımpıadalyq qozǵalys sportty bilim men mádenıettiń bir bóligi dep qaraı otyryp, jeke adamnyń shyǵarmashylyq qýanyshyna negizdelgen jáne onyń aqyl-oıy men dene bitiminiń damýyn úılestiretin ómir saltyn qalyptastyrýǵa tyrysady. Keıingi jyldary sporttyń ónerge jaqyndaýymen qatar, onyń estetıkalyq jáne rýhanı-adamgershilik qundylyqtary negizinde ónerdiń de belgili bir dárejede sporttaný úrdisi baıqalady, ıaǵnı mádenıettiń bul salasyna sportqa asa tán jarys elementteri dendep enip keledi. Bul jaǵynana alǵanda zamanaýı mádenıet Ejelgi Grekııadaǵy mádenıettiń bar salasyn, sonyń ishindegi kórkemsýret mádenıeti álemin de sharpyǵan kúres pen jarys rýhyn qaıta jandandyryp kele jatyr dese bolady», - dep atap ótti ol.