Almatyda «Mádenı Azıada-2011» festıvali aıasynda birqatar kórmeler ótedi
ALMATY. 24 qańtar. QazAqparat /Ádilet Musahaev/ - Almatyda «Mádenı Azıada-2011» festıvali aıasynda «Qazaqstan sportynyń damý tarıhy» jáne «Kerýen-saraı» atty kórme-jármeńkesi ótedi.
Atalǵan sharalar aqpannyń 2-6 aralyǵynda QR Memlekettik Ortalyq murajaıynda ótedi.
«Qazaqstan sportynyń damý tarıhy» atty kórmede qazaqstandyq sporttyń damýy men onyń qaınar bastaýlarynan qazirgi zamanǵa deıingi joly tanystyrylyp, Keńestik kezeń men táýelsizdik alǵan ýaqyttaǵy olımpıada chempıondarynyń jetistikteri arqyly jekeleı sport túrleriniń damýy baıandalady.
Al, «Kerýen-saraı» kórme-jármeńkede Qazaqstan men Orta Azııa qolónershileriniń sándik-qoldanbaly óneri usynylady. Jármeńke barysynda atalǵan elderdiń sheberleri qolónerdiń ár túri boıynsha sheberlik sabaǵyn ótkizse, modelerler feshn-shoý qoıylymyn kórsetedi. Sondaı-aq qazaqstandyq «Sheber-2011» jáne ıÝNESKO-nyń «Sapa belgisi» baıqaýy jeńimpazdary buıymdarynyń kórmesi de uıymdastyrylady.
