Almatyda M. Dýlatovtyń týǵanyna 125 jyl tolýyna oraı ǵylymı-tájirıbelik konferentsııa ótti
ALMATY. 9 jeltoqsan. QazAqparat /Ádilet Musahaev/ - Búgin Almatyda M.Dýlatovtyń týǵanyna 125 jyl tolýyna oraı "El-shejire" qoǵamdyq qory men M.Dýlatov atyndaǵy №136 mektep birlesip «Elim dep soqqan uly júrek» atty ǵylymı-tájirıbelik konferentsııa ótkizdi.
"Konferentsııanyń negizgi maqsaty - Mirjaqyp shyǵarmashylyǵyn jastarǵa nasıhattaý, "mirjaqyptaný" ilimin jandandyryp, jastardy patrıottyqqa tárbıeleý, sonymen qatar Alash zııalysynyń ómirdegi taǵlymdy jolyn keıingi urpaqqa úlgi-ónege etý", -deıdi "El-shejire" qoǵamdyq qorynyń tóraǵasy, jazýshy, Alash ádebıeti syılyǵynyń ıegeri Dıdahmet Áshimhanuly.
Sonymen qatar ol kelesi jyldan bastap osy mektepte oqıtyn 800-ge tarta oqýshyǵa "Biz M. Dýlatov mektebinde oqımyz" degen ataýmen kúndelik shyǵaryp beretindigin jetkizdi. Sońǵy 5 jyldyń kóleminde "El-shejire" qoǵamdyq qory janyndaǵy "Orhon" baspasynan Alash arystarynyń 5 tomdyǵy shyǵarylǵan eken. Jıyn barysynda D. Áshimhanuly atalǵan 5 tomdyqpen qosa Alash zııalylaryna qatysty shyqqan kitaptardy mektepke syılady. Sondaı-aq ol 1-2 aptadan keıin "Mirjaqov atanyń bazarlyǵy" degen sýretti albomdy oqýshylardyń qolyna tabys etetindigin de aıtyp ótti.
Shara barysynda qonaqtar mektep murajaıyn aralap, M.Dýlatovyń ómirinen syr shertetin jaıttarǵa qanyqty. Al oqýshylar óz kezeginde M.Dýlatov shyǵarmalarynan úzindiler oqyp, án-kúılerin tartý etti.
