Almatyda lıýkti urlaǵandar qylmys ústinde ustaldy
ALMATY. QazAqparat - Almatyda lıýkti urlaǵan adamdar qylmys ústinde ustaldy, dep habarlaıdy QazAqparat tilshisi.
Qalalyq polıtsııa departamentiniń habarlaýynsha, káriz lıýkterin urlaý qylmysy Almatyda jıi kezdesedi. Ádette qylmyskerler shoıyn lıýkterdi urlap, metall ótkizý pýnktine ótkizedi. Bul úshin olar qomaqty aqsha alady.
Osyndaı qylmys ústinde Gaıdar kóshesindegi lıýkterdi alyp bara jatqan jerinen 39 jastaǵy adam ustaldy. Taǵy bir adam Túrksib aýdanyndaǵy lıýkti kóterip bara jatqan jerinen quryqtaldy. Kúdiktiniń qolynda aryq júıesiniń shoıyn tory bolǵan.
«Qazirgi tańda Polıtsııa basqarmalarynda QR QK 188-babynyń 1-bólimimen sotqa deıingi tergeý bastaldy. Belgili bolǵandaı, olar lıýkterdi urlap alyp metall ótkizetin jerge satyp jibermek bolǵan. Qazirgi tańda tústi jáne qara metaldardy satyp alatyn tulǵalardy anyqtaý júrgizilip jatyr», - dedi Polıtsııa departamentiniń basqarma basshysy Esen Ysqaqov.
Qalalyq Polıtsııa departamentiniń resmı ókili Saltanat Ázirbektiń aıtýynsha, urlanǵan zatty satyp alǵan tulǵalar úshin QR QK 196-baby boıynsha qylmystyq jaýapkershilik qarastyrylǵan.
Aıta ketý kerek, 2018 jyly 22 qazanda Almatyda arnaıy profılaktıkalyq is-shara bastaldy. Aptalyq barysynda urlanǵan zattardy qabyldap, odan ári satýmen aınalysatyn qylmyskerler ustaldy.
Munyń aldynda polıtsııa káriz qudyqtarynyń shoıyn qaqpaqtaryn qoldy etý faktileri týraly habarlaǵan adamdarǵa syıaqy beriletinin málimdegen bolatyn.
Qalada urlanǵan nemese synǵan shoıyn qaqpaqtardyń kesirinen jol-kólik oqıǵalary jıi tirkeledi. 2016 jyly synyq lıýktyń kesirinen taǵy bir jol apaty bolyp, almatylyq turǵyn Ekaterına Parafıeva eki aıaǵynan aıyryldy.
Bostandyq aýdandyq sýdıasy jol apatyna aıypty dep tanylǵan avtobýs júrgizýshisiniń bas bostandyǵyn 2 jylǵa shektep, 2 mln teńge moraldyq ótemaqy tóleýge májbúrledi. Sonymen qatar, sýdıa qala ákimdigine káriz sýy lıýkteriniń qaýipsizdigin qamtamasyz etpegeni úshin jeke qaýly shyǵardy.
