Almatyda lıýk qaqpaǵyn urlaý qylmysyn áshkerelegen azamattarǵa syıaqy beriledi
ALMATY. QazAqparat - Almaty polıtsııasy káriz qudyqtarynyń shoıyn qaqpaqtaryn urlaý faktileri týraly habarlaǵan adamdarǵa syıaqy berip turmaq. Bul týraly qalalyq ІІD-niń baspasóz qyzmetinen habarlady.
Jyl basynan beri 35 lıýk qaqpaǵy urlanǵan. Onyń 18-i izi sýymaı ashyldy.
"Káriz júıesiniń shoıyn qaqpaqtary kommýnaldyq menshikke jatady. Ony urlaǵan adam QR QK 188-baby boıynsha jazalanady.
Sonymen qatar, kólikter shuńqyrǵa túsip ketken jaǵdaıda jol apaty bolýy ábden múmkin. Urlanǵan zatty satýmen aınalysatyndarǵa da qylmystyq jaýapkershilik qarastyrylǵan. Zań boıynsha olar urlanǵan lıýk qaqpaqtaryn qabyldamaýy kerek», - dedi ІІD resmı ókili Saltanat Ázirbek.
Polıtsııa káriz qaqpaqtaryn urlaý jáne qabyldaý faktileri týraly biletin azamattardy 254-40-07; 8-707-500-59-06 nemese 102 nómirlerine habarlasýdy suraıdy. Beı-jaı qalmaǵan ár adamǵa syıaqy beriledi.
Foto: om-saratov.ru
