Almatyda LRT 2023 jyly iske qosylady
ALMATY. QazAqparat - Almatyda jeńil relsti kólik jelisin (LRT) 2023 jyly iske qosý josparlanyp otyr, dep xabarlaıdy QazAqparat tilshisi.
«Biz konkýrstyń birinshi kezeńin aıaqtadyq. Taıaýda ekinshi kezeńin jarııalaýdy josparlap otyrmyz. 2023 jyly Tóle bı kóshesinde LRT-ny iske qospaqpyz. Onyń qashyqtyǵy 22,7 shaqyrymdy quraıdy, 35 aıaldama bolady», - dedi Almaty qalalyq Mobıldilik basqarmasy basshysynyń orynbasary Qanat Baıqońyrov Almatydaǵy konferentsııada.
Budan buryn LRT jelisiniń qurylysyn 2020 jyly bastaý josparlanǵany xabarlanǵan bolatyn. Texnıkalyq-ekonomıkalyq negizdemege sáıkes, jobanyń ınvestıtsııalyq quny: ınfraqurylym - 56 907 mln teńge (depo qurylysyn qosa eseptegende), jyljymaly quram - 36 512 mln teńge. Barlyǵy - 94 203 mln teńge.
Danııar Daýtalıev
