Almatyda lombardtan uıaly telefon urlaǵan eki jigit ustaldy
ALMATY. QazAqparat - Almatyda eki er adam lombard qyzmetkerlerin aldap, tonap ketken, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, polıtsııaǵa lombard qyzmetkerlerinen birneshe aryz túsken.
Іzdestirý nátıjesinde 24 jáne 20 jastaǵy eki jigit ustaldy.
«Kúdiktiler lombardqa kirip, satylymda turǵan uıaly telefondardy tekserý úshin kórsetýin syltaýratyp, qolyna ustaı sala qashyp ketken. Keıbir jerlerde olardyń zańsyz áreketteri beınebaqylaý kameralaryna túsip qalǵan. Qazirgi ýaqytta ustalǵandar jasaǵan qylmystyq quqyq buzýshylyqtyń 5 deregi dáleldendi. Sotqa deıingi tergeý QR QK-niń 191-baby 2-bóligi boıynsha júrip jatyr», – dedi Alataý aýdandyq PB janyndaǵy polıtsııa bóliminiń bastyǵy Qumarbek Kenshinbaev.
Belgili bolǵandaı, ustalǵandardyń biri osyǵan uqsas qylmysy úshin sotty bolǵan. Ol túrmeden jaqynda bosap shyqty.
Atalǵan azamattardyń áreketinen zardap shekkender myna telefon nómirine habarlasýy kerek: 8-707-882-03-98.
