Almatyda lombard tonaǵan er adam qolǵa tústi
ALMATY. QazAqparat - Jańa jylda Almatydaǵy lombardtardyń birine qaraqshylyq shabýyl jasaldy, dep habarlaıdy QazAqparat tilshisi.
Tańerteńgi 11-ler shamasynda er adam «Orbıta» shaǵyn aýdanyndaǵy lombardqa basyp kirip, altyn buıymdar men makbýk, uıaly telefondy urlap ketken.
Polıtsııa kúdiktini ustady.
«Bul qylmysty jasady degen kúdikpen 32 jastaǵy er adam ustaldy. Jumyssyz. Tergeý kezinde lombardty tonaýdy burynnan josparlap júrgenin moıyndaǵan. Buǵan deıin de ózi altyn buıymdardy ótkizip kelgen. Ol uzaq ýaqyt boıy nysandy baqylaǵan. Qazir tonalǵan zattar ishinara qaıtaryldy. Kúdikti er adam ýaqytsha oqshaýlaý ornyna qamaldy», - dedi Bostandyq aýdandyq ІІB basshysy, polıtsııa podpolkovnıgi Janbolat Zıadın.
