Almatyda logıstıka naryǵyna arnalǵan kórme ótip jatyr

ALMATY. QazAqparat - Logıstıka naryǵyna arnalǵan kórmege Ázerbaıjan, Belarýs, Grýzııa, Qazaqstan, Latvııa, Lıtva, Reseı jáne Ýkraına elderiniń 70-ten astam kompanııasy qatysyp jatyr, dep habarlaıdy QazAqparat tilshisi.

Kórmege latvııalyq jáne estondyq ulttyq stendter qoıyldy, onda kompanııa ókilderi óz qyzmetterin, Qazaqstannyń áleýetti seriktesterine arnalǵan jańa jabdyqtary men ınnovatsııalyq tehnologııalaryn tanystyrdy.
Kórme ekspedıtorlyq kompanııalarmen jáne kólik quraldarynyń ıelerimen tikeleı baılanys jasaý esebinen kez kelgen kommertsııalyq júkterdi jetkizýdi ońtaılandyrýǵa, kólik-logıstıkalyq tizbekterdi qurý jáne ózara tıimdi yntymaqtastyqqa qol jetkizý úshin senimdi seriktester tabýǵa múmkindik beredi.
Sonymen qatar «Kólik jáne logıstıka naryǵy» atty halyqaralyq konferentsııa ótip jatyr.
Sharanyń strategııalyq sessııasynda «Kólik sektory. Pandemııa jaǵdaıynda qaıta júkteý» taqyryby kóterilmek.
Kórme 13-15 qazanǵa deıin jalǵasady.