Almatyda lımýzınder sherýi boldy
21 jeltoqsan. QazAqparat /Názıra Eleýhan/ - Búgin Almatyda tuńǵysh ret lımýzınder sherýi bolyp ótti.
«Moıa svadba» jýrnalynyń uıymdastyrýymen ótken sharaǵa endi turmys quramyz dep júrgen ǵashyq jastar qatysty. Olar qalanyń ásem jerlerin lımýzınmen aralap, estelik fotosýretke tústi. Jas qalyńdyqtarǵa gúl shoqtary tabystaldy. Sherýge jalpy sany 10-15-teı lımýzın qatysty. Uıymdastyrýshylardyń aıtýynsha, 2011 jyly mamyr aıynda 30-dan asa lımýzınnan turatyn úlken sherý uıymdastyrylmaq.
«Bul shara bizdiń jýrnalymyzdyń birjyldyq mereıtoıyna oraı tuńǵysh ret ótkizilip otyr. Biz buǵan deıin úılenemiz degen jastarǵa baıqaý jarııalaǵan bolatynbyz. Sol baıqaýdyń jeńimpazdary búgin arnaıy shaqyryldy», -dedi jobanyń jetekshisi Ásel Ydrysova.
