Almatyda lıftten qulaǵan jigittiń 7 qabyrǵasy synǵan
ALMATY. QazAqparat - Almaty dárigerleri lıft shahtasyna qulap aýyr jaraqat alǵan er adamnyń jaǵdaıy týraly aıtyp berdi, dep habarlaıdy QazAqparat tilshisi.
34 jastaǵy Toǵjanov Rınat aýrýhanaǵa 7 tamyzda tańǵy 9:40-ta túsken.
«Naýqas aýrýhanaǵa óte aýyr jaǵdaıda túsken. Qabyldaý bóliminde oǵan qosarlas jaraqat: mı shaıqalýy, keýde qýysynyń jabyq jaraqaty, sol jaq 4-10- ǵa deıingi qabyrǵalarynyń synyǵy (gemopnevmotorekspen asqynǵan) ish jaraqaty, kókbaýyrdyń jyrtylýymen, asyqty jiliktiń synyǵymen túsken. Aýyr jaǵdaıdaǵy naýqasqa shuǵyl túrde laporatomııa, spınektomııa, ish qýysynyń drenırli sanatsııasy, Belaý boıynsha plıývraldy qýys drenırleý jasaldy», - dedi № 7 aýrýhananyń polıtravma bólimi meńgerýshisiniń mindetin atqarýshy Arman Baıbolov.
Dárigerdiń aıtýynsha, jigit otadan soń 3 kún jansaqtaý bóliminde jatqan.
«Oǵan gemotransfýzııa jasaldy. Jaǵdaıy qazir ortasha dárejede», - dedi dáriger.
Jalpy alǵanda Rınattyń 7 qabyrǵasy, bel omyrtqasynyń kóldeneń óskinderi, asyqty jiligi synǵan. Jyrtylǵan kókbaýyr kele salysymen alynyp tastaldy.
Er adam qazir sóılep, tamaq ishe alady.
Jaqyn arada jilinshigi men oń jaq bileginiń súıegine osteosıntez jasalady.
«Asyqty jilikti de ostesıntezge daıyndap jatyrmyz. ıAǵnı, súıekti plastınaǵa jınaıtyn bolamyz»,- dedi maman.
Aıta ketý kerek, oqys oqıǵa 7 tamyzda «Aqbulaq» shaǵynaýdanyndaǵy №27 úıde bolǵan.
