Almatyda lıfti shahtasyna qulaǵan jigit oqıǵanyń qalaı bolǵanyn aıtyp berdi
ALMATY. QazAqparat - Almatyda lıft shahtasyna qulap, aýyr jaraqat alǵan jigit oqıǵanyń qalaı bolǵanyn aıtyp berdi, dep habarlaıdy QazAqparat tilshisi.
№7 aýrýhananyń polıtravma bóliminde jatqan jigit sol jantúrshigerlik oqıǵany bylaısha esine aldy.
Rınat Toǵjanov Almatyǵa aǵasymen birge ákesin emdetýge Óskemennen saparlap kele jatqan.
Jolda Taldyqorǵan qalasynyń tusynda ákesiniń jaǵdaıy kúrt nasharlaǵan. Jedel járdem shaqyrǵan kezde ákesiniń jan tapsyrǵany belgili bolǵan.
Taldyqorǵanda 1 kún bolǵan soń aǵaıyndylar ákesiniń denesin Almatyǵa alyp kelgen.
«Biz ákemizdiń janazasyna keldik. tańǵy 9 shamasynda marqum ákemizdi 5 qabattan lıft arqyly túsirmek boldyq.
Lıftige men, aǵam, nemere aǵam ákemińizdiń denesin kóterip kirdik. Osy sátte lıft ózinen ózi 5-4 qabattardyń arasynda toqtap qaldy. Esimiz shyqqan biz dabyldy basa bastadyq. Áıteýir esikti ashqan soń, basqalarynyń bári shyǵyp ketti. Men shyǵyp bara jatqanda aıaǵym taıyp shahtaǵa qulap kettim. Odan arǵysy esimde joq. Jedel járdem kóliginde biraq esimdi jıdym», - dedi Rınat Toǵjanov.
Er adam qazir №7 aýrýhanada polıtravma bóliminde em qabyldap jatyr. Onyń 7 qabyrǵasy, omyrtqa súıekteri, jiligi synyp ketken. Sonymen qatar, kókbaýyryna zaqym kelgen.
