Almatyda lıft qyzmeti 8,5%-ǵa arzandady
ALMATY. QazAqparat - Almaty qalasy Turǵyn úı basqarmasy men turǵyn úı ınspektsııasy jáne turǵyn úıler lıftilerine qyzmet kórsetetin servıstik kompanııalar arasynda yntymaqtastyq týraly memorandýmǵa qol qoıyldy, dep habarlaıdy QazAqparat tilshisi.
Yntymaqtastyq aıasynda qaladaǵy lıftilerdiń 80%-yna ıelik etetin «Almatylıft» JShS, «Lıft-Kyzmet Servıs» JShS, «Lıft-kompleks» JShS, «Lıftınvest» JShS, «KazliftStade» JShS, «Kazlıft-montaj» JShS kompanııalary tarıfti 8,5%-ǵa arzandatatyn boldy. Tarıftiń arzandaýy turǵyndarǵa kórsetiletin qyzmettiń sapasy men kólemine áser etpeıdi.
Búginde Almatyda 4 myń lıft bar. Turǵyn úı basqarmasynyń habarlaýynsha, qalada Turǵyn úı-kommýnaldyq sharýashylyǵyn keshendi jańartý jumystary júrip jatyr. Shara aıasynda sońǵy 3 jylda 512 lıftiniń qyzmet kórsetý ýaqytynyń ótip ketkeni anyqtalǵan.
Aıta keteıik, memorandým kommýnaldyq sharýashylyq salasyndaǵy jumystyń ashyqtyǵy men tıimdiligin arttyrý boıynsha júrgizilip jatqan jumystardyń aıasynda qol qoıyldy.
Avtory: Tańshoplan Begalyqyzy
